रिभर फल्स पावरको खुल्यो आइपिओ – Janata Live
  • Monday, September 26, 2022

रिभर फल्स पावरको खुल्यो आइपिओ

  • जनता लाइभ
  • बैशाख २८, २०७९

रिभर फल्स पावरको खुल्यो आइपिओ

काठमाडौं– रिभर फल्स पावर लिमिटेडले सर्वसाधारणका लागि आजबाट आइपिओ जारी गरेको छ। कम्पनीले २७ लाख ३० हजार कित्ता सेयर जारी गरिरहेको छ।

यसमध्ये कम्पनीले २ प्रतिशत अर्थात् ५४ हजार ६ सय कित्ता सेयर कम्पनीको कर्मचारीहरूको लागि र ५ प्रतिशत अर्थात‍् एक लाख ३६ हजार पाँच सय कित्ता सेयर सामुहिक लगानी कोषको लागि छुट्याएको छ। यीबाहेक बाँकी २५ लाख ३८ हजार ९ सय कित्ता सेयर सर्वसाधारणको लागि जारी भएको हो।

आवेदकहरूले प्रति कित्ता एक सय रुपैयाँको दरमा न्यूनतम् १० कित्ता र अधिकतम् एक लाख कित्तासम्म सेयर भर्न सक्नेछन्। सेयरको लागि आवेदन दिने अवधि छिटोमा जेठ ४ गते र ढिलोमा जेठ ११ गतेसम्म तोकिएको छ।

आइपिओ निष्काशनका लागि गराएको क्रेडिट रेटिङमा इक्रा रेटिङ नेपालले कम्पनीलाई इक्रा एनपी आइआर डबल बी माइनस रेटिङ दिएको छ। यसले समयमै वित्तीय दायित्व पूरा गर्न सक्ने जोखिम मध्यम रहेको संकेत गर्छ।

कम्पनीको चुक्ता पुँजी ३५ करोड ७० लाख रुपैयाँ रहेको छ। सेयर जारी पछी कम्पनीको चुक्ता पुँजी ७० करोड पुग्नेछ।

कम्पनीको धितोपत्र निष्काशन तथा बिक्री प्रबन्धक प्रभु क्यापिटल लिमिटेड छ।

कम्पनीले १०.३० मेगावाटको पिलुवा खोला साना जलविद्युत् आयोजना निर्माण गरिरहेको छ। वि.सं २१०५ सम्म सञ्चालन अनुमति पाएको आयोजनाको विद्युत खरिद सम्झौता भइसकेको छ।

एक अर्ब ८६ करोड रुपैयाँमा बन्ने यस आयोजनाको प्रतिमेगावाट लागत १८ करोड ६ लाख रुपैयाँ छ। कम्पनीले यही असार मसान्तमा विद्युत उत्पादन गर्न सक्ने उल्लेख गरेको छ।

हाल कम्पनी पाँच करोड २० लाख रूपैयाँ सञ्चित नोक्सानमा छ। आगामी आवबाट यस्तो नोक्सान नाफामा परिणत हुने बताइएको छ। कम्पनीको लागत करिब १० वर्षमा उठिसक्ने र ब्रेक इभनमा पुग्ने अनुमान गरिएको छ।

Loading...
Loading...
Loading...

सुन साउन महिनायताकै महँगो, तोलाको कति पुग्यो ?

काठमाडौँ– सुनचाँदी बजारमा साताको पहिलो कारोबार दिन आज छापावाल सुनको मूल्य प्रतितोला रु ९७ हजार आठ सय तोकिएको छ ।...

सरकारले आयल निगमलाई ७ अर्ब ऋण दिने

काठमाडौं– सरकारले पेट्रोलियम पदार्थको आपूर्तिलाई सहज तुल्याउन नेपाल आयल निगमलाई रु सात अर्ब ऋण लगानी गर्ने भएको छ। मन्त्रिपरिषद्को असार...