झाँक्रीको आश्रममा किशोरीको मृत्यु, त्रिशुलले घोची-घोची हत्या गरिएको परिवारको आरोप – Janata Live
  • Thursday, January 27, 2022

झाँक्रीको आश्रममा किशोरीको मृत्यु, त्रिशुलले घोची-घोची हत्या गरिएको परिवारको आरोप

  • जनता लाइभ
  • पुष २५, २०७८

झाँक्रीको आश्रममा किशोरीको मृत्यु, त्रिशुलले घोची-घोची हत्या गरिएको परिवारको आरोप

काठमाडौं– उपचारका लागि झाँक्री (माता) को घरमा लगिएकी भक्तपुर बोडेकी एक १४ वर्षीया बालिकाको शंकास्पद रुपमा मृत्यु भएको छ ।

टाउको दुख्ने सामान्य विरामको उपचारका लागि रानीवन नागार्जुन नगरपालिका-१ स्थित माता उमा शाही ठकुरीकोमा लगिएकी १४ वर्षीया बालिका रोशनी श्रेष्ठको आज विहान शंकास्पद रुपमा मृत्यु भएको हो । सिन्धुपाल्चोक साँगाचोक नगरपालिका-२ स्थायी घर भई हाल भक्तपुर बोडेमा अस्थायी बसोबास भई बालिका सोही ठाउँमा कक्षा सातमा पढ्दै थिइन् ।

बालिकामा टाउको दुख्ने समस्या रहेका कारण झाँक्रीलाई उपचार गराउँदा ठिक हुने सुनेपछि आमा राधिका श्रेष्ठले यहि पुस ३ गते छोरी रोशनीलाई ४८ वर्षीया माता उमा शाही ठकुरीको घरमा लिएर गएकी थिइन् । माता ठकुरीले केहि दिन आफ्नोमा रोशनीलाई छाडेर जानु म ठिक गरिदिन्छु भनेको तर, आज विहान एकै पटक बालिका बेहोस छ छिटो आउनु भनेर फोन गरेको आमा राधिका श्रेष्ठले जानकारी दिइन् । छोरी वेहोस भएको खबर माताले गरेपछि अतालिंदै आफन्तसहित माताकोमा पुगेर छोरी रोशनीलाई काठमाडौं स्वयम्भूस्थित मनमोहन अस्पताल ल्याए पनि डाक्टरहरुले बालिकाको पहिल्यै मृत्यु भइसकेको जानकारी गराएको बालिकाका आफन्त दुर्गाबहादुर श्रेष्ठले जानकारी दिए ।

मृत्तक बालिकाको नाकबाट रगत बगेको, ढाड निलडाम रहेको खुट्टामा तिखो बस्तुले घोचिएको जस्तो चोट रहेको र दिसा-पिसाव समेत रहेकाले बालिकालाई कुटेर हत्या गरिएको आरोप आफन्तले लगाएका छन् । बालिकाको रहस्यमय मृत्युपछि प्रहरीले घटनास्थल पुगेर मुचुल्का उठाएको छ भने बालिकाको शव पोष्टमार्टमका लागि शिक्षण अस्पताल महाराजगञ्ज लगिएको छ । बालिकाको आफन्तले माताले उपचारका नाममा कुटपिट गर्दा रोशनीको ज्यान गएको भन्दै महानगरीय प्रहरी परिसर स्वयम्भूमा जाहेरी दिएका छन् ।

उपचारमा लगिएकी बालिकाको विद्यालयमा ५-६ दिन परीक्षा छ घर लैजान्छु भन्दा समेत माता ठकुरीले छुटेको परीक्षा पछि दिंदा पनि हुन्छ भनेर छोरीलाई घर ल्याउन नदिएको आमा राधिका श्रेष्ठले जानकारी दिइन् । उनले भनिन्, ‘कहिलेकाँही छोरीले टाउको दुख्छ भन्ने गरेकाले माताकोमा उपचार गर्दा ठिक हुन्छ भनेको सुनेर लगेर गएको अनि छोरीको उपचार गरी ठिक बनाई दिन्छु भनेकाले विश्वासले माताकोमा छाडेर आएको आमा राधिकाले सुनाइन् । छोरीलाई कुटीकुटी हत्या गरेपछि आज विहान फोन गरेर वेहोस छ भनेर आफूलाई जानकारी गराएको उनले बताइन् ।

रानीवन नागार्जुन नगरपालिका-१ मा ट्रष्टको छाप्रो बनाएर विरामीहरुको उपचार गर्दै आएकी माता ठकुरीले बालिकालाई कुटपिट गरेको स्थानीयले देखेको आफूहरुलाई जानकारी दिएका आफन्त दुर्गाबहादुरले जानकारी दिए । अहिले प्रहरीले माता ठकुरीलाई नियन्त्रणमा लिएर घटनाको आवश्यक अनुसन्धान अगाडि बढाएको छ । बालिकाको शव पोष्टमार्टमका लागि शिक्षण अस्पताल महाराजगञ्ज लगिएको जानकारी दिंदै महानगरीय प्रहरी परिसर स्वयम्भूका डिएसपी मिलन केसीले मातालाई पक्राउ गरी अनुसन्धान अगाडि बढाइसकिएको र बालिकाको पोष्टमार्टम रिपोर्ट आएपछि थप कुरा जानकारी हुने बताए ।

बालिकाको बाबु यमबहादुर श्रेष्ठ रोजगारीका लागि सात वर्षदेखि मलेशियामा छन् । बालिकाका आफन्तले सामान्य रुपमा उपचारका लागि छाडिएकी बालिकालाई कुटपिट गरी हत्या गरिएको आरोप लगाउँदै माता ठकुरीमाथि आवश्यक अनुसन्धान गरी कडा भन्दा कडा सजाय र पीडित परिवारलाई उचित क्षतिपूर्ति दिलाइनु पर्ने माग राखेका छन् ।

Loading...
Loading...
Loading...

उपत्यकामा आजबाट स्मार्ट लकडाउन : के गर्न पाइन्छ, के पाइँदैन ?

काठमाडौं– काठमाडौं उपत्यकामा कोरोना संक्रमण बढेसँगै स्थानीय प्रशासनले स्मार्ट लकडाउन लागु गरेको छ । मंगलबार काठमाडौं, ललितपुर र भक्तपुरका प्रमुख...

इजरायलमा नेपाली श्रमिक पठाउन शुरु, माघ ५ गते १२५ जना जाँदै

काठमाडौं– इजरायलका दीर्घकालीन स्याहार केन्द्रमा नेपाली श्रमिक पठाउन शुरु हुने भएको छ । आउँदो माघ ५ गते पहिलो पटक १२५...

उपत्यकाका ‘सिडिओ’ को संयुक्त बैठक बस्दै : बढ्दो कोरोना संक्रमण नियन्त्रणबारे छलफल

काठमाडौं– कोरोना सङ्क्रमण दर बढ्दै गएपछि काठमाडौं उपत्यकाका प्रमुख जिल्ला अधिकारीको संयुक्त बैठक बस्दैछ । काठमाडौं, भक्तपुर र ललितपुरका प्रमुख...

बौद्धमा कोठाभित्रै युवक-युवती मृत भेटिए

काठमाडौं– काठमाडौं महानगरपालिका-६ बौद्ध फैकास्थित राधाकृष्ण मन्दिर नजिकै सँगै बस्दै आएका युवक-युवती कोठामै मृत फेला भेटिएका छन् । महानगरीय प्रहरी...

यातायात कार्यालय सानो भर्‍याङबाट पक्राउ गरेका ११ जनाविरुद्ध सार्वजनिक मुद्दा

काठमाडौं– काठमाडौंस्थित यातायात व्यवस्था कार्यालय सानो भर्‍याङबाट बिचौलियाको आरोपमा पक्राउ परेका ११ जनालाई प्रहरीले ‘अभद्र व्यवहार’ कसुरमा मुद्दा दर्ता गरेको...

दोलखाको श्यामा केन्द्रविन्दू भएर ४.२ रेक्टर स्केलको भूकम्प

काठमाडौं– दोलखाको श्यामा केन्द्रविन्दू भएर भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार आज दिउँसो ४ः१६ बजे...

देशभर फैलिंदै पश्चिमी वायुको प्रभाव, बर्षा र हिमपातको सम्भावना

काठमाडौं– देशभर पश्चिमी वायुको प्रभाव फैलिंदै गएको मौसमविदले बताएका छन् । जल तथा मौसम विज्ञान विभागका अनुसार आज (बिहीबार) विहान...

निर्मला हत्या प्रकरण : पक्राउ परेका भारतीय नागरिकको डीएनए परीक्षण

कञ्चनपुर– निर्मला हत्या प्रकरणमा संलग्न रहेको आशंकामा प्रहरीले साढे तीन वर्षपछि एक भारतीय नागरिक पक्राउ गरेको छ । भारतीय अलि...