शवसम्म पुर्‍याउने नै अभियुक्त – Janata Live
  • Thursday, January 27, 2022

शवसम्म पुर्‍याउने नै अभियुक्त

  • जनता लाइभ
  • पुष ०७, २०७८

शवसम्म पुर्‍याउने नै अभियुक्त

मोरङ– मोरङको रंगेली नगरपालिका-२ की २१ महिने निशा उराउको शव खाल्डोमा पुरिएको अवस्थामा पाइएको थियो। मंसिर २६ गते हराएकी बालिका २८ गते फेला परिन् । प्रहरीका अनुसार खेल्दै जाने क्रममा अबोध नाबालिका फुपू संगीताको घरमा पुगेकी रहिछन् । घरमा आएकी नबालिका (भदैनी) को हत्या संगीता फुपू) ले गरेको प्रहरीको प्रारम्भिक अनुसन्धानबाट खुलेको छ ।

घरमा आएर रोएको र चकचक गरेको भन्दै थप्पडले हानेर संगीताले भदैनी (दाजुकी छोरी) को हत्या गरेको प्रहरीले जनाएको छ । मोरङ प्रहरीका प्रवक्ता डीएसपी दीपक श्रेष्ठले भने, ‘थप्पड हान्दा पिँढीबाट झरेर मृत्यु भएपछि नाबालिकाको शवलाई संगीताले जेब्रा झोलाभित्र हालेर बाकसमा राखेको प्रारम्भिक अनुसन्धानबाट खुलेको छ ।’

इटहरीमा सडक निर्माणमा गएका पति ४६ वर्षीय सैनी उराउलाई बोलाएर शव व्यवस्थापनका लागि सहयोग मागेको खुलेको छ । श्रेष्ठका अनुसार आफैंबाट मारिएकी भदैनीको शवलाई बाकसमा हालेर रातभर घरभित्रै राखेकी संगीताले भोलिपल्ट पतिको सहयोगमा कोदालोले पैनीमा खाल्डो खनेर गाडिदिएको पत्ता लागेको हो । प्रहरीले उक्त कोदालो समेत बरामद गरेको छ । निशाको शव घरदेखि लगभग ६० मिटर टाढा पैनीमा पुरिएको अवस्थामा पाइएको थियो ।

प्रहरीका अनुसार हत्यापछि भदैनीको शव गाडेको स्थान सुरुमा उनै निशाले देखाएकी थिइन् । ‘सबैतिर खोजी गर्दा पनि नाबालिकालाई फेला पार्न नसकिएका बेला भर्खर खनिएको खाल्डो जस्तो छ भनेर संगीताले शव गाडेको ठाउँमा पुर्‍याइन्,’ प्रहरी स्रोतले भन्यो, ‘उत्खनन गर्दा खाल्डोभित्र नाबालिकाको शव भेटियो ।’ त्यसपछि संगीता प्रहरीको निगरानीमा परिन् । खाल्डोबाट शव बाहिर निकाल्दा नाबालिकाको देव्रे आँखामा चोट थियो ।

संगीताले हत्यामा आफ्नो संलग्नता स्वीकार गरिसकेको डीएसपी श्रेष्ठले बताए । संगीता र उनका पनि सैनीलाई पक्राउ गरेर कर्तव्य ज्यान मुद्दा चलाउन म्याद थप गरेर घटनाको अनुसन्धान अघि बढाइएको श्रेष्ठले बताए ।

‘छोरी हराएपछि खोजी गरिरहेका थियौँ। तर हत्या गरेर गाडेको अवस्थामा एक्कासि खाल्डोभित्र शव भेटियो,’ निशाका बुवा चन्द्र उराउले भने, ‘छोरीको हत्या बहिनीले गरेको सुन्दा पत्याउनै कठिन भइरहेको छ । यति निर्दयी बनेर उसले यस्तो जघन्य अपराध गर्छे होला भन्ने सोच्न पनि सकिएको थिएन ।’ चन्द्रका अनुसार छरछिमेकी र आफन्त कोहीसँग कुनै रिसइबी थिएन । नाबालिकाको शवको पोस्टमार्टम विराटनगरस्थित कोसी अस्पतालमा गरिएको थियो । घटनाको अनुसन्धान जारी रहेको र पोस्टमार्टम रिपोर्ट आउन बाँकी रहेको जानकारी डीएसपी श्रेष्ठले दिए । अन्नपूर्ण पोष्ट दैनिकबाट

Loading...
Loading...
Loading...

भिडियो कलमा संवदेनशील अङ्ग देखाउन लगाए, पछि त्यसैलाई हतियार बनाएर ‘बलात्कार’ गरे

काठमाडौं– फेसबुकबाट साथी बनाई बालिका बलात्कार गरेको आरोपमा काठमाडौंमा एक युवकलाई प्रहरीले पक्राउ गरेको छ । काठमाडौं महानगरीय प्रहरी परिसरका...

ट्रकले ठक्कर दिएपछि उठ्दै गरेकी महिलालाई ब्याक गरेर ‘किचियो’

सुनसरी– सुनसरीको इटहरी धरान सडकखण्डमा ट्रक ब्याक गरेर एक महिलालाई किचिएको छ । इटहरीबाट धरान जाँदै गरेको ट्रकले ठक्कर दिएकी...

१४ सय वर्ष पुरानो शिलालेखले खाेलेकाे रहस्य, पाटन दरबारमा बौद्ध विहार भएको पुष्टि

काठमाडौं– लिच्छवीकालमा हालको पाटन दरबार क्षेत्रमा बौद्ध विहार रहेको मानिन्छ । मल्लकालमा विहार विस्थापित गरी दरबार बनाइएको विश्वास छ ।...

नेपालबाट चोरी भएको ६ सय वर्ष पुरानो बुद्ध मूर्ति अमेरिकामा फेला

झण्डै ४० वर्ष पहिले नेपालबाट चोरी भएको भगवान बुद्धको मूर्ति अमेरिकाको एक गैरसकारी कला–संस्कृतिसम्बन्धी संग्रहमा फेला परेको छ । कम्तीमा...

बौद्ध दर्शन र बुद्धका उपदेशलाई पाठ्यक्रममा समावेश गर्न राष्ट्रपतिको आग्रह

राष्ट्रपति विद्यादेवी भण्डारीले गौतम बुद्धका कालजयी उपदेश तथा शिक्षालाई आ–आफ्ना पाठ्यक्रममा यथाशक्य समावेश गर्न विश्वविद्यालयलाई आग्रह गरेकी छन्। लुम्बिनी बौद्ध...

भूपेन्द्र बडुवाल हत्या प्रकरण : १२ जना पक्राउ, २१ लाई जन्म कैदको माग

कैलाली– कैलालीको लम्कीचुहा नगरपालिका–३ का २३ वर्षीय भूपेन्द्र बडुवालको हत्या अभियोगमा पक्राउ परेका १२ जनालाई प्रहरीले सार्वजनिक गरेको छ ।...

“गिभिना टिकटकबाटै बनिन् स्टारः २४ वर्षकै उमेरमा मच्चाइन् देश विदेशमा, धमका”

काठमाडौं– सामाजिक संजाल टिकटकबाट छुट्टै किसमको भिडियो पोस्ट गरेर एकजना नेपालकी छोरी यतिबेला चर्चामा छिन।टिकटक बाटै चर्चामा आउन सफल उनी...

धर्म परिवर्तन गराएको अभियोगमा पास्चरलाई दुई वर्ष कैद सजाय

धर्म परिवर्तन गराएको अभियोगमा डोल्पा जिल्ला अदालतले एक पास्चरलाई दुई वर्ष कैद सजाय सुनाएको छ। मंगलबार न्यायाधीश केशवराज चपाईको एकल...