अवैध सम्पत्ती लुकाएको आरोप अभिनेत्री ऐश्वर्या रायलाई सोधपुछका लागि बोलाइयो – Janata Live
  • Sunday, June 26, 2022

अवैध सम्पत्ती लुकाएको आरोप अभिनेत्री ऐश्वर्या रायलाई सोधपुछका लागि बोलाइयो

  • जनता लाइभ
  • पुष ०५, २०७८

अवैध सम्पत्ती लुकाएको आरोप अभिनेत्री ऐश्वर्या रायलाई सोधपुछका लागि बोलाइयो

नयाँ दिल्ली– भारतको भ्रष्टाचारविरुद्धको एउटा निकायले पानामा पेपर्स प्रकरणमा बलिउड अभिनेत्री ऐश्वर्या राय बच्चनसँग सोधपुछ गरेको छ।

भ्रष्टाचार विरोधी छानबिन गर्ने निकाय इनफोर्समेन्ट डाइरेक्टोरेट इडीले पानामा पेपर्स प्रकरणमा अभिनेत्री रायलाई बोलाएको हो। गैरकानुनी ढंगले विदेशमा सम्पत्ती लुकाएको आरोपमा ४८ वर्षीया रायलाई सोधपुछ गरिएको हो।

चर्चित अभिनेता अमिताभ बच्चनकी बुहारीसमेत रहेकी रायलाई यसअि पनि सो निकायले छानबिनका लागि बोलाएको थियो। तर, उनले केही समय माग गरेकी थिइन्।

पानामा पेपर्स खोजमूलक पत्रकारहरुको संस्था इन्टरनेसनल कन्सोर्टियम अफ इन्भेस्टिगेटिभ जर्नालिस्ट आईसीआइजेले सन् २०१६ मा सार्वजनिक गरेको एउटा दस्ताबेज हो। दस्ताबेजले कर छलि गर्न र कालो धन लुकाउन विश्वका धनाढ्यले अनियमित तरिकाले सम्पत्ति लुकाएको विषयलाई सार्वजनिक गरेको थियो। पानामा पेपर्स प्रकरणमा ३०० भारतीय जोडिएका छन्।

आईसीआइजले विश्वका ७६ देशका १०० भन्दा बढी सञ्चार माध्यमहरुमा आबद्ध पत्रकारहरूको सहकार्यमा एक करोड १५ लाखभन्दा बढी कागजात अध्ययन गरेर दस्तावेज तयार गरेको थियो।

विश्वका धनाढ्य एवं शक्तिशालीले कर छल्न के कस्तो हथकन्डा अप्नाउछन भन्ने बारेमा पानामा पेपर्सले एतिहासिक खुलासा गरेको थियो।

आफ्नो सम्पत्ति ट्याक्स हेभेनका व्यवसायमा लगानी गरेको देखाएर विश्वका कयौं धनाढ्यले स्वदेशमा कर छली गर्नेदेखि कालो धनलाई सेतो बनाउने गरेको पानामा पेपर्सले खुलासा गरेको थियो।

Loading...
Loading...
Loading...

पल शाहलाई थुनामा राख्न आदेश

पूर्वीनवलपरासी — किशोरी बलात्कारको अभियोगमा मुद्दा खेपिरहेका अभिनेता पल शाहलाई जिल्ला अदालतले पुर्पक्षका लागि थुनामा राख्ने आदेश दिएको छ ।...

पल शाहविरुद्ध पुनः म्याद थप्ने तयारी

तनहुँ । एक नाबालिग गायिकामाथि बलात्कार गरेको आरोप लागेका अभिनेता पल शाहमाथि फेरि म्याद थपको तयारी गरिएको छ । पलविरुद्धको...

पल शाह तनहुँबाट पक्राउ

काठमाडौँ — जबरजस्ती करणीको आरोप लागेका अभिनेता पल शाह (पूर्णविक्रम शाह)लाई प्रहरीले तनुहँबाट पक्राउ गरेको छ । उनले आइतबार नै...