अमेरिकामा दुई दम्पतीले एक अर्काको बच्चा जन्माएपछि… – Janata Live
  • Saturday, May 21, 2022

अमेरिकामा दुई दम्पतीले एक अर्काको बच्चा जन्माएपछि…

  • जनता लाइभ
  • कार्तिक २८, २०७८

अमेरिकामा दुई दम्पतीले एक अर्काको बच्चा जन्माएपछि…

काठमाडौं– अमेरिकाको क्यालिफोर्नियाका दुई दम्पत्तीले ‘आइभीएफ’ प्रविधिमार्फत् एकअर्काको बच्चा जन्माएको पाइएको छ । फर्टिलिटी (प्रजनन) क्लिनिकमा ‘मिक्स–अप’ (गोलमाल) भएपछि उनीहरूले एकअर्काको बच्चा जन्माउन पुगेका हुन् । लस एन्जलसमा दायर गरिएको रिट अनुसार बच्चा जन्माएर आदानप्रदान गर्नुअघि केही महिना उनीहरूले एकअर्काका बच्चा हुर्काए ।

डाफ्ना कार्डिनलीले सन् २०१९ को अन्त्यतिर बच्चा जन्माएपछि शिशुको कालो वर्ण भएकाले आफू र पति एलेक्जेन्डरले ती शिशु आफ्नो नभएको आशंका गरेको बताइन् । तर, बच्चाको प्रेम, इन भिट्रो फर्टिलाइजेशन प्रक्रिया (आइभीएफ) र डाक्टरहरूप्रति विश्वासको कारण आफ्नो आशंकाहरू दबाएको उनको भनाई छ ।

आफू अर्कैको बच्चा लिएर गर्भवती भएको र आफ्नो बच्चा अर्कैको गर्भमा रहेको महिनौंपछि थाहा पाएपछि दीर्घकालीन मानसिक आघात पुगेको कार्डिनलीले बताइन् । ‘म डर, धोका, क्रोध र मुटु टुक्रिएको भावनाहरूबाट अभिभूत भए’, आफ्नो पतिसँगै पत्रकार सम्मेलनमा उपस्थित उनले मुद्दा दायर गर्ने घोषणा गर्दै भनिन् । ‘मेरो आफ्नै बच्चा बोक्नबाट म लुटिएँ । मैले गर्भावस्थाको समयमा उनलाई हुर्काउन र उनीसँग जोडिन, उनले लात मारेको महशुस गर्न कहिल्यै पाइन ।’

कार्डिनलीको उजुरीमा लस एन्जल्सस्थित क्यालिफोर्निया सेन्टर फर रिप्रोडक्टिभ हेल्थ (सीसीआरएच) र यसका मालिक डा. एलिरन मोरलाई ‘मेडिकल मालप्राक्टिस’ चिकित्सकीय कदाचार (गलत अभ्यास), सम्झौताको उल्लङ्घन र हेलचेक्य्राइँ गरेको र धोका दिएको आरोप लगाइएको छ । यसले न्यायीक परीक्षणको माग र अनिर्दिष्ट क्षतिपूर्तिको खोजेको छ ।

सीसीआरएचका प्रशासकले यसको बारेमा प्रतिक्रिया दिन अस्वीकार गरेको र प्रतिक्रियाको लागि मोरसम्म पुग्न नसकेको गार्जियनले जनाएको छ । चारै जना अभिभावकलाई प्रतिनिधित्व गर्ने वकील एडम वुल्फका अनुसार कथित ‘मिक्स–अप’ मुद्दामा संलग्न दुई अभिभावकले आफूहरू अज्ञात नै रहन चाहेको र आउने दिनमा उस्तै मुद्दा दायर गर्ने योजना बनाएका छन् ।

सीसीआरएचले गल्तीपूर्वक अर्कै दम्पत्तीको भ्रुण डाफ्नाको गर्भमा प्रत्यारोपण गरेको र उनको अण्ड र उनको पति एलेक्जेन्डरको वीर्यबाट बनाइएको उनीहरूको भ्रूण अर्कै महिलाको गर्भमा स्थानान्तरण गरिएको मुद्दामा दाबी गरिएको छ । दुवै दम्पत्तीले सन् २०१९ को सेप्टेम्बरमा एक हप्ताको फरकमा छोरी जन्माएका थिए । उजुरी अनुसार झण्डै तीन महिनाअघि डिएनए परीक्षणबाट भू्रण साटिएको पुष्टि नभएसम्म उनीहरूले अनजानमा एकअर्काको बच्चा हुर्काएका थिए ।

ज्यानुअरी २०२० मा बच्चा साटासाट गरिएको थियो । यस्तो ‘मिक्स–अप’ एकदमै दर्लभ हुन्छ तर अनपेक्षित भने हुँदैन । सन् २०१९ मा क्यालिफोर्नियाका एक दम्पत्तीले आफ्नो भ्रुण गल्तीपूर्वक न्यूयोर्ककी महिलामा प्रत्यारोपण गरिएको भनी मुद्दा दायर गरेका थिए । ती महिलाले छोरा जन्माएकी थिइन् र उनको दोस्रो छोरो अर्कै दम्पत्तीको थियो ।

प्रजनन सम्बन्धी मुद्दाहरूमा विशिष्टिकृत फर्मका वुल्फले आइभीएफ क्लिनिकहरूमाथिको निरीक्षण बढाउन आग्रह गरेका छन् । ‘यस मुद्दाले यस उद्योगमा संघीय नियमनको एकदमै आवश्यकता छ भन्ने हाइलाइट गर्छ’, उनले भने ।

आफ्नो सात वर्षीय जेठी छोरीलाई डाक्टरहरूले गल्ती गरेको र आफूले जन्माएको बच्चा उनकी बहिनी होइनन् भनी सुनाउँदा आफूलाई निकै गाह्रो भएको डाफ्नाले बताइन् । ‘उनको लागि मेरो मुटु चुडियो, सम्भवत सबैभन्दा धेरै’, उनले भनिन् । ‘मिक्स–अप’ प्रकाशमा आएपछि र बच्चाहरू एकअर्काका जैविक परिवारमा फर्किएयता चारै जना अभिभावक एकअर्काको जीवनमा रहन र ‘ठूलो परिवार बनाउने’ प्रयास गरेको डाफ्नाले बताइन् । ‘उनीहरू हाम्रो जैविक छोरीसँग त्यत्तिनै प्रेममा थिए जत्ति हामी उनीहरूको छोरीका लागि थियौं’, एलेक्जेन्डरले भने । द गार्जियनबाट

Loading...
Loading...
Loading...

महामारी परास्त गर्न चीनको ‘शून्य कोभिड’ रणनीति दिगो भएनः डब्लूएचओ

बेइजिङ– महामारी परास्त गर्न चीनको शून्य–कोभिड रणनीति दिगो नभएको विश्व स्वास्थ्य संगठन (डब्लूएचओ)का प्रमुखले बताएका छन् । महामारी सुरु भएदेखि...

बाइडेनमाथि रुसले लगायो प्रतिबन्ध

काठमाडौं– रुसले अमेरिकी राष्ट्रपति जो बाइडेनविरुद्ध प्रतिबन्धको घोषणा गरेको छ । रुसको विदेश मन्त्रालयले मंगलबार विज्ञप्ति जारी गर्दै यस्तो जानकारी...

रुसको चेतावनीबीच पश्चिमा देशहरूद्वारा तेल र ग्यासमा प्रतिबन्ध घोषणा

बीबीसी– युक्रेनमाथि मस्कोको आक्रमणको विरोधमा आर्थिक प्रतिबन्धलाई बढाउँदै अमेरिका र ब्रिटेनले रुसी तेलमा प्रतिबन्ध लगाउँदै छन् भने युरोपेली सङ्घले रुसी...

युक्रेनी सेनाको आक्रमणमा मारिए कमाण्ड सम्हालिरहेका रुसी मेजर जनरल

काठमाडौं– युक्रेनले राजधानी किभबाट करिब ४८ किलोमिटर पर रुसी सेनाको कमाण्ड सम्हालिरहेका मेजर जनरल आन्द्रेई सुखोवत्स्कीको गोली हानी हत्या गरिदिएका...