प्रादेशिक संसदमा पनि तमासा सुरु – Janata Live
  • Wednesday, December 1, 2021

प्रादेशिक संसदमा पनि तमासा सुरु

  • जनता लाइभ
  • असोज २०, २०७७

प्रादेशिक संसदमा पनि तमासा सुरु

बुटवल, २० असोज । केन्द्रीय संसद्मा वेलावेलामा देखिने तमासा प्रदेश सभामा पनि सुरु भएको छ । प्रदेश ५ को स्थायी राजधानी र नामकरणका विषयलाई लिएर विपक्षी दल कांग्रेसले सदनमा कुर्सी, टेबुल र माइक तोडफोड गरेको छ ।

त्यस्तै, प्रदेशका कानुनमन्त्री आफैँ अघि सरेर प्रतिपक्षी सांसदलाई घिसारेर बाहिर लान मर्यादापालकलाई निर्देशन दिएका छन् ।

‘दाङका राप्ती र गढवा गाउँपालिका तथा अर्घाखाँचीको शीतगंगा नगरपालिकाले चर्चेको राप्ती नदी किनाराको मैदानी भाग देउखुरी उपत्यका क्षेत्रलाई स्थायी राजधानी’ र ‘शान्तिका अग्रदूत गौतमबुद्ध जन्मस्थल लुम्बिनीको महत्वलाई हृदयंगम गर्दै साझा चिनारीका रूपमा प्रदेशको नाम लुम्बिनी प्रदेश’ राख्ने प्रस्ताव छलफलका लागि अगाडि बढाउने क्रममा कांग्रेसले हंगामा मच्चाएको हो । तर, शुक्रबार प्रस्ताव पेस भएपछि सोमबार बसेको पहिलो बैठकमा संसदीय पद्धति मिचेर प्रस्ताव ल्याइएको भन्दै कांग्रेसले विरोध जनाएको थियो ।

बैठक सुरु भएलगत्तै कांग्रेस संसदीय दलका नेता वीरेन्द्रकुमार कनौडियाले राजनीतिक सहमति र छलफल नगरी सरकारले सदनमा प्रस्ताव ल्याएको भन्दै विरोध जनाए । राजधानीको विषय गम्भीर र ऐतिहासिक भएकाले सहमति नभई अगाडि बढाउनु संसदीय मूल्य र मान्यताविपरीत भएको उनको भनाइ थियो । प्रस्ताव पेस भएकै दिन कांग्रेसले असहमति जनाएको थियो ।

उनी बोलेलगत्तै कांग्रेस सांसदले ‘संसदीय मर्यादा कायम गर, गिरफ्तारीमा परेकालाई रिहा गर, विशेष समितिको प्रतिवेदन सार्वजनिक गर तथा राजधानीका लागि गरिएको प्रस्ताव फिर्ता गर’लगायतका नारा लगाएका थिए । तर, कांग्रेस सांसदको होहल्ला र विरोधबीच सभामुख पूणर्बहादुर घर्तीले छलफल अघि बढाएपछि आक्रोशित कांग्रेसका प्रदेश सभा सदस्य तोडफोडमा उत्रिएका थिए ।

सभामुखले आन्तरिक मामिला तथा कानुनमन्त्री कुलप्रसाद केसीलाई छलफलका लागि प्रस्ताव पेस गर्न अनुमति दिएपछि कांग्रेसका सांसदले उनलाई रोस्ट्रममा जान अवरोध गरेका थिए । उनीहरू सभामुखलाई घेरा गर्न रोस्ट्रममा आउन लाग्दा मर्यादापालकसँग घम्साघम्सी परेको थियो ।

मर्यादापालकको बलमा उनी रोस्ट्रममा पुगेर प्रस्ताव पेस गर्न थालेपछि कांग्रेसका सांसद कुर्सी तोडफोडमा उत्रिएका थिए । तर, सभामा तोडफोड जारी रहँदा मुख्यमन्त्री शंकर पोखरेल बैठकबाट बाहिरिएका थिए । सभामुखले कुर्सी तोडफोडबीच पनि बैठक जारी राखेका थिए ।

छलफल समाप्त भएपछि छलफलमा उठेका प्रश्नको जवाफ दिन रोस्ट्रममा पुगेका मन्त्री केसीले मर्यादापालकहरूलाई नाराबाजीमा उत्रिएका सांसदहरूलाई घिसारेर बाहिर निकाल्न निर्देशन दिएका थिए । उनले सो निर्देशनपछि संसदीय मर्यादाका कुरा गरेका थिए ।

सुरुमा सहमति बनाउने कोसिसबीच अपराह्न १ बजे सुरु भएको बैठक २ बजेसम्म सारिएको थियो । तर, सहमति नभएपछि ३ बजे पुनः बैठक सुरु भएको थियो । बैठकमा सत्तापक्षका सांसदले समेत खुलेर बोल्न नपाएको गुानासो गरेका थिए । एकातिर सभामुखले समय कम दिनु र अर्कोतर्फ विपक्षी सांसद नाराबाजी र तोडफोडमा उत्रिएपछि संसद् बैठकको माहौल नै बिग्रिएको थियो ।

बैठकमा सत्तापक्षका सांसद भोजप्रसाद श्रेष्ठले महत्वपूणर् विषयमा बोल्ने समय पाउनुपर्ने र राजधानीको विषयमा पुनर्विचार गर्नुपर्ने बताए । तर, उनले आफ्ना कुरा पूरा राख्न समय पाएनन् । उनी बोल्दै गर्दा सभामुखले सांसद विष्णु पन्थीलाई समय दिएका थिए । पन्थीले कपिलवस्तुमा राजधानी तोक्न आग्रह गरेका थिए ।

समाजवादी पार्टीका संसदीय दलका नेता सहसराम यादवले पनि प्रदेश राजधानी कपिलवस्तु नै उपयुक्त भएको बताएका थिए । बैठकमा सत्तापक्षका अन्य सांसदले पनि बोल्ने इच्छा राखेका थिए, तर उनीहरूले समय पाएनन् ।

बैठकमा मन्त्री केसीले यसअघि राजधानी तथा नामकरण सुझाब समितिले बुझाएको प्रतिवेदन सभामुखलाई हस्तान्तरण गरेका थिए । सभामुखले यस विषयमा छलफल समाप्त भएको बताएका थिए । सभामुखले संशोधनका लागि १८ घन्टाको समयावधि दिएका छन् ।

उता प्रस्तावको विरोधमा रुपन्देहीमा सडकदेखि सदनसम्म आन्दोलन चर्किएको छ । प्रस्तावविरुद्ध सडक र सदनमा कांग्रेसले आन्दोलन चर्काएको छ । प्रदेश सभामा प्रदेश राजधानीको प्रस्तावविरुद्धको आन्दोलनमा जनता समाजवादी पार्टीले समेत कांग्रेसलाई साथ दिएको छ । सत्तापक्षकै कतिपय सांसद पनि प्रदेश राजधानी रुपन्देही नै हुनुपर्छ भन्ने पक्षमा छन् जसले आन्दोलनका लागि थप बल पुगेको छ ।

रुपन्देहीका व्यावसायिक संघसंस्थाको संस्था (सञ्जाल) रुपन्देहीले मंगलबार पनि प्रदेश सभा घेराउ गर्ने निणर्य गरेको छ । प्रदेशको राजधानी बुटवलबाट अन्यत्र सार्न लागिएकोमा त्यसको विरोधमा उत्रिएको सञ्जालको सोमबार साँझ बसेको बैठकले उक्त विरोधको कार्यक्रममा सहभागी हुनसमेत आमउद्योगी व्यवसायीलाई अपिल गरेको छ ।

मंगलबार पारित गर्ने नेकपाको तयारी

प्रदेश ५ सरकारले स्थायी राजधानी दाङको देउखुरी उपत्यका राख्ने र नाम लुम्बिनी राख्ने गरी अगाडि बढाएको प्रस्ताव मंगलबारको बैठकबाट पास गर्ने नेकपाको तयारी छ । बैठक मंगलबार मध्याह्न १२ बजेलाई आह्वान गरिएको छ ।

नेकपा प्रदेश ५ को संसदीय दलले सरकारले ल्याएको राजधानी र नामकरणसम्बन्धी प्रस्ताव पास गराउन प्रदेश सभाका सदस्यलाई निर्देशन दिएको छ । सोमबार बसेको बैठकमा मुख्यमन्त्री शंकर पोखरेलले पार्टीको प्रदेश इन्चार्जको हैसियतले प्रदेश सभाका सदस्यलाई सरकारले ल्याएको प्रस्ताव पास गराउनका लागि लाग्न निर्देशन दिएका छन् ।

प्रस्ताव पारित हुनका लागि प्रदेश सभामा रहेका ८७ सदस्यमध्ये ५८ जनाको पक्षमा मत चाहिन्छ । संविधानमा प्रदेश सभाका कुल सदस्यको दुई तिहाइ मतले प्रदेश राजधानी तोक्ने र नामकरण गर्न सक्ने व्यवस्था छ ।

६१ सदस्य रहेको नेकपा संसदीय दलका सबै सदस्यले सरकारको प्रस्तावमा मतदान गरेमा राजधानी दाङ सर्ने पक्का हुनेछ । प्रदेश सभामा कांग्रेसका १९, जनता समाजवादी पार्टीका ६ र राष्ट्रिय जनमोर्चाका एक सदस्य छन् । तर, नेकपाका १४ सांसदले संसदीय दलको बैठकमा नोट अफ डिसेन्ट लेखेका छन् । नयाँ पत्रिका दैनिकबाट

Loading...
Loading...
Loading...

कांग्रेस केन्द्रीय सदस्यमा उम्मेदवारी दिने जिपछिरिङको घोषणा

काठमाडौं– कांग्रेस नेता जिपछिरिङ लामाले १४औँ महाधिवेशनमा केन्द्रीय सदस्यमा उम्मेदवारी दिने घोषणा गरेका छन् । राजधानीमा बुधबार पत्रकार सम्मेलनको आयोजना...

काँग्रेस अधिवेशन : ४० जिल्लाको नतिजा सार्वजनिक

काठमाडौं– नेपाली काँग्रेसको १४ औं महाधिवेशनअन्तर्गत प्रतिनिधि सभा निर्वाचन क्षेत्रको अधिवेशनको अन्तिम नतिजा बुधबार साँझसम्ममा आउने भएको छ । नेपाली...

वागमती सरकारमा आज दुई मन्त्री थपिंदै, जम्मरकट्टेल र लामा मन्त्री बन्दै

हेटौंडा– मुख्यमन्त्री राजेन्द्र पाण्डे नेतृत्वको वागमती प्रदेश सरकार विस्तारको तयारी गरिएको छ । प्रदेश सरकारमा आज दुई मन्त्री थपिँदै छन्...

रामचन्द्र पौडेललाई पराजित गर्ने किसान श्रेष्ठ देउवाको क्याबिनेटमा मन्त्री

काठमाडौं– नेपाली कांग्रेसका वरिष्ठ नेता रामचन्द्र पौडेललाई पराजित गरेका कृष्णकुमार श्रेष्ठ ‘किसान’ले कांग्रेसकै सभापति शेरबहादुर देउवाको क्याबिनेटमा श्रम तथा रोजगार...

एमालेका १३ समस्या

काठमाडौं- शुक्रबार सुरु भएको एमाले विधान महाधिवेशनमा पार्टीभित्र रहेका १३ समस्यालाई उजागर गरिएको छ । महाधिवेशनमा महासचिव ईश्वर पोखरेल प्रस्तुत...

कांग्रेस महाधिवेशन : २१ जिल्लामा १८ असोजमा अधिवेशन, नाम सार्वजनिक

काठमाडौं– नेपाली कांग्रेसले १८ असोजमा २१ जिल्लामा जिल्ला अधिवेशन तयारी गरेको छ । कांग्रेसले २१ हिमाली जिल्लामा १८ असोजमा जिल्ला...

कांग्रेसले टुंग्यायो समावेशी प्रतिनिधित्व विवाद

काठमाडौं– कांग्रेसले समावेशी प्रतिनिधित्व विवाद टुंग्याएको छ । शुक्रबार बसेको पार्टी पदाधिकारी तथा पूर्वपदाधिकारी बैठकले तीन बुँदे निर्णय गर्दै विवाद समाधान...

प्रधानमन्त्री ज्यू कहाँ गायब भयो सदाचार नीति ?

काठमाडौं– शेरबहादुर देउवा चौंथो पटक प्रधानमन्त्री हुँदा सदाचार नीति ल्याउने निर्णयमा हस्ताक्षर गरेका थिए । तर, त्यतिखेर उनले सो नीतिलाई...