अन्ततः नजिकिँदै ओली–प्रचण्ड – Janata Live
  • Monday, August 10, 2020

अन्ततः नजिकिँदै ओली–प्रचण्ड

  • जनता लाइभ
  • साउन ०६, २०७७

अन्ततः नजिकिँदै ओली–प्रचण्ड

काठमाडौं– सत्तारूढ नेपाल कम्युनिस्ट पार्टी (नेकपा)भित्रको विवाद पेचिलो बन्दै गएका बेला अध्यक्ष पुष्पकमल दाहाल निकट स्थायी कमिटीका बहुसंख्यक तथा अन्य नेताहरूले अर्का अध्यक्ष तथा प्रधानमन्त्री केपी शर्मा ओलीसँगै मिलेरै अघि बढ्नुपर्ने निष्कर्ष निकालेका छन् ।

बैठकमा सहभागीहरूले अध्यक्ष ओलीले मंसिरमा प्रस्ताव गरेको महाधिवेशनलाई भने समर्थन गर्न नसकिने स्पष्ट पारेका थिए । सहभागीहरूले अध्यक्ष प्रचण्डसँगको छलफलमा मंसिरमा पार्टीको एकता महाधिवेशन सम्भव नभएको निष्कर्ष निकाल्दै अर्का अध्यक्ष ओलीसँग मिलेर अगाडि बढ्न सुझाव दिएको सहभागी एक नेताले बताए ।

‘हिजो पार्टी एकता गर्दा अध्यक्ष ओलीसँग मिलेरै गरिएको हो, पार्टी एकता जोगाउँदै सामूहिक निर्णयकै आधारमा अगाडि बढ्ने हो,’ अध्यक्ष दाहालको भनाइ उद्धृत गर्दै एक सदस्यले भने, ‘माधवसहितका नेताहरूसँग मिलेर विधि, पद्धतिअनुसार पार्टी र सरकारको काम अगाडि बढाउन खोजिएको मात्रै हो ।’

छलफलमा प्रचण्डले मुद्दा र विषयका आधारमा पार्टीभित्रका नेताहरूसँग मिलेर अगाडि बढ्ने प्रयास भइरहेको बताउँदै पार्टी एकता जोगाउन र एकताको बाँकी काम टुंगो लगाउन छलफल जारी राखिएको बताएका थिए । मंसिरमा महाधिवेशन गर्ने ओलीको प्रस्तावमा आफ्नो समर्थन नभएको प्रस्टीकरण दाहालले पुनः दोहो-याएका थिए ।

प्रचण्डले ओलीले मंसिरमा महाधिवेशन गर्ने र बहुदलीय जनवादलाई मानेर अघि बढेमा एकल अध्यक्ष बनाउने प्रस्ताव आफूलाई राखेको भए पनि सो प्रस्ताव पनि आफूलाई अमान्य भएको बताएका थिए ।

नेकपा वरिष्ठ नेताद्वय झलनाथ खनाल, माधवकुमार नेपालसहित केही स्थायी कमिटीका सदस्यहरूसँग आइतबार छलफल गरेका दाहालले सोमबार पूर्वमाओवादीका नेतासँग छलफल गर्दै अब स्थायी कमिटी बैठकलाई सुचारु गरिने बताए ।

छलफलमा सहभागी नेता नारायणकाजी श्रेष्ठ, देव गुरुङ र मातृकाप्रसाद यादवबाहेकका नेताहरूले ओलीसँग मिलेर अगाडि बढ्ने सुझाव दाहाललाई दिएका थिए । दाहालले समेत अन्तिम समझदारी ओलीसँगै गर्नुपर्ने भएकाले आफ्नो प्रयास त्यसतर्फ पनि जारी नै रहेको जवाफ दिएका छन् ।

‘दुई अध्यक्ष मिलेर पार्टी एकता भएको हो, नमिल्दा अप्ठयारो पनि सुरु भएको छ,’ स्थायी कमिटीका एक सदस्यले भने, ‘पार्टी र सकारको काम अगाडि बढाउन दुई अध्यक्ष मिल्नुको विकल्प पनि छैन ।’ यो समाचार आजको राजधानी दैनिकमा छ ।

Loading...
Loading...
Loading...

महाधिवेशन सार्दै कांग्रेस, जेठ वा भदौमा गर्ने तयारी

काठमाडौं, २५ साउन । प्रमुख प्रतिपक्षी दल नेपाली कांग्रेसले आगामी ७ देखि १० फागुनसम्म सम्पन्न गर्ने गरी तय गरेको पार्टीको...

विष्णुमाथि प्रचण्ड पड्किएपछि…

काठमाडौं, २१ साउन । ‘मलाई अचम्म चाहिँ के लाग्न थाल्यो भने, तपाईंहरू जत्तिको नेता भनिएका मान्छे नेता नभएर दास जस्तो...

ओलीसँग मिलेर अघि बढ्न दाहाललाई दबाब

काठमाडौं – नेकपामा पूर्वमाओवादीतर्फका आधा जति स्थायी कमिटी सदस्यहरुले पार्टी अध्यक्ष पुष्पकमल दाहाललाई अर्का अध्यक्ष तथा प्रधानमन्त्री केपी शर्मा ओलीसँग...

ओलीसँग फेरि बढ्यो प्रचण्ड–नेपालको मनमुटाव

काठमाडौं, १० साउन । सहमति खोज्ने प्रयासस्वरूप एक महिनादेखि बन्धक बनिरहेको नेकपाको स्थायी कमिटीमाथि गम्भीर प्रश्न उठिरहेका वेला नेकपाका अध्यक्षद्वय...

सचिवहरूको सरुवा तथा पदस्थापन

काठमाडौं, ७ साउन । सरकारले विभिन्न मन्त्रालय र निकायमा कार्यरत सचिवहरूको सरुवा तथा पदस्थापन गरेको छ । सोमबार बसेको मन्त्रिपरिषद्...

माधवलाई शीतलनिवास बोलाएर राष्ट्रपतिले के भनिन् ?

अघिल्लो साता शीतलनिवासबाट एकाएक नेकपाका वरिष्ठ नेता माधवकुमार नेपाललाई बोलावट भयो । पार्टीभित्रको अन्तरविरोध उत्कर्षमा पुगेको बखत आएको खबरलाई मध्यनजर...

मंसिरमा महाधिवेशन प्रस्ताव : चार शीर्ष नेताको असन्तुष्टि, यस्ता छन् सात चुनौती

काठमाडौं, ४ साउन । नेकपामा जारी विवादबीच महाधिवेशनको बहस सुरु भएको छ । अध्यक्ष केपी ओलीको प्रस्तावमा अर्का अध्यक्ष पुष्पकमल दाहाल...

१५ दिनमा शीर्ष नेताबीच नौ पटक संवाद, तर विवाद जहाँको तहीं

काठमाडौं, २ साउन । सहमति गर्ने दुई सातादेखिको प्रयास असफल भएपछि नेकपाको आन्तरिक विवाद फेरि स्थायी कमिटीमै फर्किने भएको छ ।...