छिमेकी प्रदेशमा सङ्क्रमण बढेपछि गण्डकीमा उच्च सतर्कता – Janata Live
  • Saturday, September 25, 2021

छिमेकी प्रदेशमा सङ्क्रमण बढेपछि गण्डकीमा उच्च सतर्कता

  • जनता लाइभ
  • बैशाख ३१, २०७७

छिमेकी प्रदेशमा सङ्क्रमण बढेपछि गण्डकीमा उच्च सतर्कता

कास्की – सीमा जोडिएका प्रदेश नं ५ का रुपन्देही, कपिलवस्तुलगायत जिल्लामा कोभिड–१९ सङ्क्रमित बढेसँगै गण्डकी प्रदेशमा उच्च सुरक्षा सतर्कता अपनाउन शुरु गरिएको छ । छिमेकी प्रदेशसहित केही दिनयता देशभर कोरोना सङ्क्रमितको सङ्ख्यामा वृद्धि भएपछि प्रदेशका नाकामा सुरक्षा सतर्कता बढाइएको तथा जाँचमा वृद्धि गरी आवतजावतलाई थप कडाइ गरिएको प्रदेशमा कोरोना रोकथाम, नियन्त्रण तथा व्यवस्थापनका लागि गठित उच्चस्तरीय निर्देशक समितिले जनाएको छ ।

अत्यावश्यक सामग्री ढुवानी गर्ने मालबाहक सवारी साधानबाहेक अन्यलाई प्रदेशमा भित्रिन नदिएको तथा कोही आएको फेला परेमा उनीहरुलाई फिर्तासमेत पठाइएको समितिका प्रवक्ता एवं प्रदेश स्वास्थ्य निर्देशनालय पोखराका निर्देशक डा विनोदविन्दु शर्माले बताउनुभयो ।

नवलपुरको त्रिवेणी, दाउन्ने, गैँडाकोट, स्याङ्जाको राम्दी, तनहुँको आँबुखैरेनी, बागलुङको बूर्तिवाङलगायत नाकालाई पूर्ण लकडाउनको अवस्थामा ल्याउने र सुरक्षित बनाउने निर्णयसहित कडाइका साथ व्यवहारमा कार्यान्वयनका लागि निर्देशन गरिएको बताइन्छ ।

उहाँले भन्नुभयो, “छिमेकी प्रदेशमा सङ्क्रमण बढेसँगै हामीले थप सतर्कता अपनाउन शुरु गरिसकेका छौँ । नाकाहरुमा सुरक्षाकर्मीको परिचालन बढाउँदै जाँचलाई तीव्रता दिएका छौँ भने स्वास्थ्य संस्थामा समेत सोहीअनुसार व्यवस्थापनका काम अघि बढाइएको छ ।”

प्रदेशमा कोरोना रोकथामका लागि गठन गरिएका अस्पताल व्यवस्थापन, क्वारेन्टाइन निर्माण, आपूर्ति, बजार अनुगमन तथा कर्मचारी व्यवस्थापनलगायत विभिन्न १० वटा विषयगत समितिको कामलाई समेत पछिल्ला दिनमा थप प्रभावकारी बनाउँदै लगिएको निर्देशक शर्माले जानकारी दिनुभयो ।

कोरोनाको सङ्क्रमण देखिएको खण्डमा सम्बन्धित जिल्लामा नै उपचारको व्यवस्थाका लागि जिल्लास्थित अस्पताललाई तयारी अवस्थामा राखिएको र स्वास्थ्यकर्मीलाई आवश्यक तालिम दिइएको जनाइएको छ । त्यसैगरी प्रदेशमा समेत प्रत्येक जिल्लालाई सहयोग र सहजीकरणका लागि पाँच सदस्यीय एक÷एक टोली तयारी अवस्थामा राख्नका लागि मणिपाल, गण्डकी मेडिकल कलेज तथा पोखरा स्वास्थ्य विज्ञान प्रतिष्ठानको सघन उपचारकक्ष ९आइसीयू० मा उपचार तालिम दिन लागिएको स्वास्थ्य निर्देशनालयले जनाएको छ ।

प्रत्येक जिल्लाका लागि पाँच जनाको टिममा रहेका दुई मेडिकल अफिसर, दुई नर्सिङ र एक जना प्यारामेडिकलका कर्मचारीलाई सघन उपचारकक्षमा कसरी उपचार गर्ने र मुद्दा व्यवस्थापन गर्ने भनेर तालिम दिइने बताइन्छ । गण्डकी प्रदेश सरकारले यसअघि नै प्रदेशका ११ वटै जिल्लामा ४० आइसीयूकक्ष स्थापना गर्ने गरी बजेट विनियोजन गरिसकेको छ ।

सघन उपचारका लागि आइसीयूकक्षको अभाव हुन नदिनका लागि सरकारले रु १४ करोड बजेट विनियोजन गरेको सरकारका प्रवक्ता एवं भौतिक पूर्वाधार विकासमन्त्री रामशरण बस्नेतले बताउनभुयो । सरकारले मनाङ र मुस्ताङमा दुई–दुई र अन्य जिल्लामा चार–चार वटा आइसीयूकक्ष निर्माणको तयारी गरेको छ । प्रदेशमा हालसम्म परीक्षण मापदण्डमा परेका छ हजार ५२७ जनाको आरडिटी जाँच गरिएको छ । त्यसैगरी ७३४ जनाको पिसीआरका लागि नमूना सङ्कलन गरिएकामा दुई जना सङ्क्रमित उपचारपछि घर फर्किसकेका छन् ।

Loading...
Loading...
Loading...

कांग्रेसले टुंग्यायो समावेशी प्रतिनिधित्व विवाद

काठमाडौं– कांग्रेसले समावेशी प्रतिनिधित्व विवाद टुंग्याएको छ । शुक्रबार बसेको पार्टी पदाधिकारी तथा पूर्वपदाधिकारी बैठकले तीन बुँदे निर्णय गर्दै विवाद समाधान...

बिक्री भएन यार्चागुम्बा

दार्चुला– दार्चुलाका व्यापारीहरुको यो वर्ष खरीद गरिएको यार्सागुम्बा अझै बिक्री भएको छैन । गत असारदेखि खरीद गरिएको यार्सागुम्बा अझै विक्री...

दशैंमा शहरबाट गाउँ जाँदै हुनुहुन्छ ? कहाँ जान कति लाग्छ भाडा ? (विवरणसहित)

काठमाडौं– नेपाली चाड दशैं–तिहार नजिकिंदै छ । कोरोना कहरकै बीच भित्रिंदै गरेका नेपाली चाडहरुका कारण व्यापार, व्यवसायदेखि यातायात क्षेत्रमा चहलपहल...

१,५५० ले जिते कोरोना, १,४७६ नयाँ थपिए, नौं जनाको मृत्यु

काठमाडौं– नेपालमा पछिल्लो २४ घण्टामा १,४७६ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा...

नारायणहिटीको श्रीपेच चोर्ने प्रयास, युवक पक्राउ

काठमाडौं– नारायणहिटी संग्रहालयमा राखिएको श्रीपेचको सिसा फुटाउने एक युवकलाई प्रहरीले पक्राउ गरेको छ । आज (शुक्रबार) संग्रहालय घुम्न छिरेका रुकुम...

दशैंका विभिन्न साइत सार्वजनिक, टीकाको साइत बिहान १०ः०२ मिनेटमा

काठमाडौं– नेपाल पञ्चाङ्ग निर्णायक समितिले यस वर्षको बडादशैंका विभिन्न साइत सार्वजनिक गरेको छ । असोज २१ गते बिहीबार बिहान ११ः४६...

तमसुकमा बिहे, वडामा तलाक

सिरहा– सिरहाको लहान नगरपालिका–५ की तवसुम अजमेरी र सिरहाकै भगवानपुर–२ गम्हरियाका मोहम्मद नइम मियाँबीच २०७५ साउन २० गते विवाह भयो...

सशस्त्र प्रहरीका ११ जना डीआईजीको सरुवा, को कहाँ पुगे ? (सूची)

काठमाडौं– सरकारले ११ जना सशस्त्र प्रहरी नायब महानिरीक्षक (डीआईजी) को सरुवा गरेको छ । गृहमन्त्री बालकृष्ण खाँणले बिहीबार साँझी मन्त्रीस्तरीय...