लियोनार्दो दा भिन्ची : जसलाई नजन्मिँदै बाबुले छाडेका थिए – Janata Live
  • Saturday, August 8, 2020

लियोनार्दो दा भिन्ची : जसलाई नजन्मिँदै बाबुले छाडेका थिए

  • जनता लाइभ
  • बैशाख १३, २०७७

लियोनार्दो दा भिन्ची : जसलाई नजन्मिँदै बाबुले छाडेका थिए

ती नारी सधै नै रहस्यको पात्र बन्दै आएकी छिन्, जसको कोखबाट जन्मेको एउटा नाजायज सन्तानले मोनालिसाजस्तो विश्वप्रसिद्ध चामत्कारिक चित्र बनाएर कलाका सम्राट बनेका छन् ।

मोनालिसाको चित्र बनाउने लियोनार्दो दा भिन्चीको आमाको खोजीको लागि इतिहासकारहरुले धेरै मेहनत गरिरहेका छन् । इतिहासविद्हरुले उनको बारेमा पत्ता लगाउन धेरै संघर्ष गरिसकेका छन् । हालै इतिहासविद् तथा लेखकहरुले उनको पहिलो नाम ‘क्याटरिना’बाट उनी कुनै किसान वा नर्थ अफ्रिकाको दासी हुन सक्ने अनुमान लगाएका छन् । नर्थ अफ्रिकाको संस्कार अनुसार ‘क्याटरिना’ नाम दासीहरुलाई दिइन्थ्यो ।

करिब छ शताब्दी पछि लियोनार्दोमाथि अध्ययन गरिरहेको विश्वको एउटा प्रमुख निकायले उनका उपेक्षित गरिएका विवरणहरुलाई अध्ययन गर्न थालेको छ । यसबाट उनको आमाको बारेमा धेरै रहस्यमयी अनुमान र तथ्यहरु सामुन्ने ल्याएका छन् ।

अक्सफोर्ड युनिभर्सिटीका एकजना अवकाशप्राप्त कला इतिहासका प्राध्यापक मार्टिन केम्पका अनुसार लियोनार्दोकी आमा क्याटरिना डि मियो लिप्पी थिइन् । उनी एक गरिब र बेसहारा अनाथ थिइन् । उनी आफ्नो हजुरआमासँग टकसन पहाडको भिन्चीबाट एक मिल टाढा एउटा जर्जर घरमा बस्थिन् ।

तर, १९५१ भन्दा अगाडि छोटो समयमै उनको सौतेनी भाइ र हजुरआमाको मृत्यु भयो । उनीहरुले क्याटरिनालाई सम्पत्तिको नाममा एउटा आधा भत्केको घर र केही वस्तुभाउहरु छोडेर गएका थिए ।

केम्पका अनुसार उनी १५ वर्षकै कलिलो उमेरमा सेर पाइरो दा भिन्ची नाम गरेका फ्लोरेन्सका एक अतिमहत्वकांक्षी २५ वर्षीया वकिलसँग नाजायज यौन क्रियाकलापमा संलग्न भइन् तर, गर्वधारण भएकै हप्तामा जुलाई १४५१ मा उनीहरुको सम्बन्ध टुटेको थियो । अरु नै युवतीसँग विवाहको लागि उनले क्याटरिनालाई त्यागेका थिए । त्यसपश्चात उक्त वकिलले उनलाई केही सामान्य सम्पत्ति दिएका थिए । उनले तत्कालै आफ्नै स्तरका एक स्थानीय किसान एन्टोनियो डि पाइरो बुटिसँग विवाह गरेकी थिइन् ।

विवरणले देखाएअनुसार सेर पाइरोसँगको नाजायज सन्तान लियोनार्दो पछि उनको दोस्रो छोरा र चार छोरीहरु जन्मेका थिए । लियोनार्दोलाई उनको हजुरबुवा एन्टोनियो दा भिन्चीको छेउको घरमा पालिएको थियो ।

Loading...
Loading...
Loading...

“सुरुमा समस्याको मूल कारण बुझ्नुहोस् र त्यसपछि नै त्यसको हल गर्न अग्रसर हुनुहोस्”

गौतम बुद्धसँग जोडिएका कथामा हामीले जीवनका सबै दुःख भगाउने सूत्र पाउँछौं । यदि यी सूत्रलाई व्यवहारमा लागु गर्ने हो भने...

सफलता त्यतिबेला मात्रै पाइन्छ जब हामी अन्तिम समयसम्म धैर्यवान् हुनेछौं

जीवनलाई सुखी र सफल बनाउनका लागि गरुड पुराणमा थुप्रै नीति बताइएका छन् । गरुण पुराण १८ वटा पुराणमध्ये एक हो...

ईर्ष्या दिमागका लागि क्यान्सर जस्तै घातक

अरुको प्रगती देखेर आफ्नो प्रगती होस् भन्ने चाहना राख्नु सामान्य हो । तर, अरुको प्रगति देखेर हामीले ईर्ष्या गर्न थाल्छौं...

विश्वकै महान हास्यव्यंग्यकार चार्ली च्याप्लिनका प्रेरणादायी भनाइहरु

चार्ली च्याप्लिन विश्वकै महान हास्यव्यंग्यकारका रुपमा चिनिन्छन । हास्य व्यंग्यका क्षेत्रमा च्याप्लिनले निकै ठूलो सफलता हात पारेका छन् । विभिन्न...

हाँस्ने मानिस जवान र सुन्दर देखिन्छ

जसले हाँस्न जान्दैन, उसले बाच्न पनि जान्दैन भन्ने उखान सबैले सुन्नु भएकै होला । हाँस्ने बानी सबैको हुन्छ । दिनमा...