सभामुखका लागि नेकपाभित्रै तानातान, को बन्लान् नयाँ सभामुख ?

काठमाडौं । कृष्णबहादुर महराको बहिर्गमनसँगै सत्तारुढ नेकपाभित्र प्रतिनिधिसभाको सभामुखका लागि उपयुक्त पात्रको खोजी शुरु भएको छ ।

दुई अध्यक्ष र शीर्षस्तरका नेताहरु परामर्शमा जुटिरहँदा सभामुख पदमा पार्टीभित्रका पूर्व एमाले र पूर्व माओवादी खेमाबीच तानातान हुन थालेको छ ।

संविधानअनुसार सभामुख र उपसभामुख फरक दलबाट चयन गरिनुपर्छ । हाल नेकपाकै शिवमाया तुम्बाहाङ्फे उपसभामुख छिन् । नेकपाले फेरि पनि प्रभावशाली सभामुख पद गुमाउन चाहेको छैन ।

पार्टी एकीकरणपछिको भागबण्डामा सभामुख पद पूर्व माओवादीको भागमा परेकाले अहिले पनि आफूहरुबाटै छानिनुपर्ने उक्त खेमाको दावी छ ।

उक्त खेमाबाट नेकपा संसदीय दलका प्रमुख सचेतक देव गुरुङ मुख्य दावेदार गरिएका छन् । सभामुख नेकपाले लिए संविधानअनुसार उपसभामुख पद भने उसले छाड्नु पर्नेछ । कान्तिपुर दैनिकबाट