काठमाडौंमै एक महिलाले जन्माइन् एकै पटक ४ बच्चा

काठमाडौं । काठमाडौं मेडिकल कलेज (केएमसी) सिनामंगलमा एक महिलाले एकै पटक चार बच्चा जन्माएकी छन् ।

बुधबार प्रसुतीका लागि आएकी २७ वर्षीया खगित्रा शाहीले एकै चार बच्चालाई जन्म दिएको अस्पताल स्रोतले जनाएको छ । चार मध्ये ३ बच्चा छोरा र एक छोरी रहेकामा चारै बच्चाहरुको स्वास्थ्य अवस्था सामान्य रहेको छ ।

शाहीको सल्यक्रिया मार्फत प्रसुती गराइएको थियो । उनको आठ महिनाको गर्भधान पछि सल्यक्रिया गरिएको उपचारमा संलग्न चिकित्सक हरुले बताएका छन् ।

यसरी चम्ल्यहा बच्चा हुनु दुर्लभ घटना भएको समेत अस्पतालले जनाएको छ । आज (बुधबार) शल्यक्रियामार्फत जन्माइएको चार मध्ये एक जना शिशुको अवस्था भने अस्थिर देखिएको प्रसुती रोग विशेषज्ञ चन्दा कार्की बताइन्। भनिन्, ‘यो अत्यन्तै दुर्लभ घटना हो। हामी यस्तो केशमा सफल पनि भयौँ।’