रेशम चौधरी छुट्न सक्ने, प्रचण्डले गरे यस्तो खुलासा

नेकपा अध्यक्ष पुष्पकमल दाहाल ‘प्रचण्ड’ले रेशम चौधरी छुट्न सक्ने संकेत गरेका छन्।

थारू कल्याणकारिणी समाजले सुनसरीको झुम्कामा आइतबार आयोजना गरेको जितिया पर्वमा दाहालले टीकापुरलगायत स्थानका ‘झुटा मुद्दा’ खारेज गर्नेबारे बालुवाटारमा सैद्धान्तिक सहमति भएको र चाँडै प्रक्रियामा जाने खुलासा गरे।

‘टीकापुर घटनाबारे बालुवाटारमा भर्खरै छलफल गरेका छौं,’ उनले भने, ‘सबै झुटा मुद्दा खारेज गर्नुपर्छ भन्ने सैद्धान्तिक निर्णयसहित खारेजी प्रक्रिया अगाडि बढाइएको छ।’ यो खबर आजको अन्नपूर्ण पोस्टले छापेको छ।

टीकापुर घटनाका मुख्य दोषी मानिएका चौधरीसमेत छुट्न सक्ने संकेत गर्दै भने, ‘चुनाव जितेका माननीयलाई स–सम्मान जनतामाझ ल्याउने वातावरण बन्छ भन्ने विश्वास छ।’