लागुऔषध चरेश सहित ३ भारतीय समातिए

हेटौंडा । लागुऔषध चरेश लिएर विरजञ्जबाट हेटौंडा आउँदै गरेको गाडीबाट प्रहरीले ३ भारतीयलाई नियन्त्रणमा लिएको छ ।

शनिबार दिउँसोको समयमा भारत कै नम्बर प्लेट भएको भएको कारबाट चरेश ल्याउदै गरेको अवस्थामा उनीहरु समातिएका हुन् ।

पक्राउ पर्नेमा बिहारका २७ वर्षीया शिवराज सिंह, २४ वर्षीय ज्ञानी कुमार पासवान र २४ वषीका राजु महतो रहेका छन् । उनीहरुले बि. आर. ०१ पी एफ ७९९८ नम्बरमा कारको अगाडी एसी रहेको ठाउँमा एउटा बक्स बनाएर लुकाइ छिपाई ल्याउँदै गरेको अवस्थामा पक्राउ गरिएको जिल्ला प्रहरी कार्यालय मकवानपुरले बताएको ।

पक्राउ परेका उनिहरुलाई लागुऔषध नियन्त्रण ऐन २०३३ बमोजिम कारवाही हुने प्रहरीले जनाएको छ । सो ऐनमा १ वर्ष देखि ३ वर्ष सम्म कैद र ५ देखि २५ हजार सम्म जरिवाना हुन सक्ने व्यवस्था उल्लेख गरिएको छ ।