नेपाली कामदार लैजाँदा कोरियाले सिप परीक्षण गर्नुको रहस्य…

काठमाडौं । नेपाली कामदार ‘डिप्रेसन’ र रोजगारदाता परिवर्तन गर्ने क्रम बढेपछि कोरियाली सरकारले सीप परीक्षण गरेर मात्रै नयाँ कामदार लिने भएको छ। स्नातक र स्नातकोत्तर उत्तीर्ण कामदार कोरिया गएपछि डिप्रेसनको सिकार हुने गरेको पाइएकाले सीपलाई प्राथमिकता दिएर कामदार लिने नीति लिएको हो।

कोरियाले सन् २०२० जनवरी १ देखि लैजाने नेपाली कामदारको सीप परीक्षण गर्ने भएको छ। गत जुन ८ र ९ को भाषा परीक्षामा उत्तीर्ण भएका १२ हजार ९ जना सीप परीक्षणमा सहभागी हुनुपर्नेछ। यसका लागि नोभेम्बर २० मा परीक्षा तय भएको छ।

‘कोरियालाई पढेरलेखेका होइन, मसल भएका सीपयुक्त जनशक्ति चाहिएको हो,’ वैदेशिक रोजगार विभाग, कोरिया शाखाका सूचना अधिकारी शोभाकर भण्डारीले भने, ‘पढेलेखेकाहरू भाषा परीक्षामा पास भएपछि रोजगारदाता परिवर्तन गर्ने र डिप्रेसनमा पर्ने समस्या भयो।’ यो समाचारक आजको कान्तिपुर दैनिकमा छ ।