हाम्रा सामान्य व्यवहारले गर्छन् अचम्मका भविष्यवाणी !

शास्त्र र पुराणहरूमा हाम्रो दैनिक जीवनसँग जोडिएका कुरा र बानीहरूको उल्लेख गरिएको छ। त्यसलाई सामान्य ठानेपनि तिनीहरूले वास्तवमा हाम्रो भविष्यलाई इंगित गरिरहेका हुन्छन् ।

हामीलाई राम्रो हुन्छ कि नराम्रो भन्ने विषय हामी अज्ञानतावश बुझ्न पाउँदैनौं।यी घटनालाई बुझेर अनि हाम्रा बानीमा सुधार ल्याएर हामी आफ्नो भविष्य सुधार्न सक्छौं।

पर्वको दिन: एक वर्षमा आउने पर्वहरूको विषयमा रमाइलो भविष्यवाणी छ। दिनहरूको क्रमसँग यो जोडिएको छ। यसअनुसार होली, नयाँ वर्ष र तिहार क्रमशः शनिवार, आइतवार र मंगलवार प–यो भने देशमा महामारी फैलिन सक्छ।

बिहानको बानी: शास्त्रलाई मान्ने हो भने बिहान उठ्नेबित्तिकै व्यक्तिले राति राखेको पानी पिएर आफ्नो हत्केला हेरेमा ठूलो रोग उसलाई लाग्न पाउँदैन।

महिना अनुसार निषेध गरिएका खानेकुरा

हरेक महिनामा स्वास्थ्यका लागि केही कुराहरू खान निषेध छ । वैशाखमा तेल, जेठमा घिउ, असारमा बेल, साउनमा साग, भदौमा दही, असोजमा दूध, कात्तिकमा कुराउनी, मंसिरमा जीरा, पुसमा धनियाँ, माघमा मिश्री, फागुनमा सुक्खा चना र चैतमा सक्खर खान निषेध गरिएको छ । नटेरिकन खाँदा अनेक रोग लागेर अल्पायुमा मृत्यु हुन सक्छ।

छेपारो: छेपारोले टाउको तलतिर पारेर अर्थात् उल्टो गरी रुख चढ्न थालेको देखेमा भयंकर बाढसी आउन सक्छ।

कमिला: कमिलाले अचानक घरमा दाना बटुलेको देख्नुभएमा निकट भविष्यमा केही नराम्रो हुने संकेत हो। कमिलाहरू एक लाइन लगाएर हिँडे भने पानी पर्ने लक्षण हो।

बकुल्लो: रुखमा बकुल्लो बसेको देख्नुभयो भने त्यो रुख छिट्टै सिद्धिएको संकेत हो । घरको रुखमा बकुल्लो बस्यो भने त्यस रुखमाथि चट्याङ खस्न सक्छ।

गोरु: सात र नौ दाँत भएको गोरु आफ्ना मालिकका लागि अशुभ हुन्छन्। सात दाँत भएको गोरुले मालिकको मृत्यु गराउँछ भने नौ दाँत भएको गोरुले पूरै परिवारमा विपत्ति ल्याउँछ। भारतीय वेबसाइटबाट