काठमाडौं । अज्ञात समूहले सर्लाहीमा गोली चलाएका छन् । मध्यान्ह साढे १२ बजे मोटरसाइकलमा आएका दुईजनाले गोली प्रहार गर्दा लालबन्दी नगरपालिका–१ ब्रम्हस्थानका ३० वर्षीय जयनाथ महतो घाइते भएका छन् ।

गोली प्रहार गर्ने समूह तथा उनीहरुले प्रयोग गरेको मोटरसाइकल नम्बर खुलेको छैन । महतोको दाहिने कुईनामा गोली लागेको ईलाका प्रहरी कार्यलय लालबन्दीले जनाएको छ । घाइते महतोको स्थानीय मेडिकलमा उपचार भइरहेको छ । गोली लागेका महतोको अवस्था सामान्य रहेको प्रहरीले जनाएको छ ।

महतोे वैदेशीक रोजगारीबाट केही महिना अघि फर्किएका हुन् । उनी पछिल्लो समय घर निर्माणमा मजदुरको रुपमा काम गर्दैआएका छन् ।

गोली कस्ले के कारणले प्रहार गरेको भन्नेबारे शुक्ष्म अनुसन्धान भइरहेकोे जिल्ला प्रहरी कार्यालयका सर्लाहीका प्रहरी प्रवक्ता तथा प्रहरी नायव उपरीक्षक प्रतितसिंह राठौरले जानकारी दिए ।