युवतीलाई यातना दिने ‘धर्ती माता’ पक्राउ

काठमाडौं । आफूलाई धर्ती माता दाबी गर्दै युवतीहरुलाई यातना दिने कार्यमा संलग्न एक महिलालाई प्रहरीले पक्राउ गरेको छ ।

बुटवल स्थायी ठेगाना भएकी कथित धर्ती माता विष्णु कुँवरलाई महानगरीय प्रहरी परिस टेकुको टोलीले बिहीबार बिहान बालाजुबाट पक्राउ गरेको हो ।

भिडियोमा कुँवरले युवतीमाथि निर्दयतापूर्वक कुटपिट गरेकी छन् । ‘तँ को होस्, छिटो निस्की’ भन्दै कुटेको भिडियो सार्वजनिक भएको थियो ।

यस्तै कुँवरले युवतीको मासु खाने बताएकी छन् । उनीविरुद्ध पीडित पक्षबाट भने अझैसम्म उजुरी नआएको परिसरका प्रवक्ता डिएसपी होविन्द्र बोगटीले जानकारी दिए ।