काठमाडौं । प्रहरीले युवतीमाथि श्रृङ्खलाबद्ध रुपमा सिरिञ्ज आक्रमण गर्ने एक युवालाई पक्राउ गरेको छ । महानगरीय प्रहरी परिसर काठमाडौंबाट परिचालन भएको विशेष टोलीले ती युवालाई पक्राउ गरेको हो ।

पक्राउ पर्नेमा ३० वर्षीय सन्तोष कार्की रहेको प्रहरीले जनाएको छ । उनलाई महाराजगञ्जको भाटभटेनी नजिकबाट गएराति साढे १२ बजे पक्राउ गरिएको बताइएको छ ।

पक्राउ परेका युवाले हानेको वस्तु सिरिञ्ज नै हो वा अन्य केही हो भन्नेबारे प्रष्ट हुन बाँकी रहेको अनुसन्धानमा खटिएको प्रहरी टोलीले जनाएको छ । ती युवाले किन आक्रमण गरे भन्नेबारे पनि केही खुल्न सकेको छैन ।