यसैसाता एसइईको नतिजा प्रकाशन गरिने

काठमाडौं । यस वर्षको माध्यमिक शिक्षा परीक्षा (एसइई) को नतिजा यसैसाता भित्र प्रकाशित गरिने भएको छ ।

राष्ट्रिय परीक्षा बोर्डले उत्तरपुस्तिका परीक्षणपछि सबै काम सम्पन्न गरी अन्तिम रुजु गर्ने कार्य भइरहेको भन्दैं अबको एक दुई दिनभित्रै परिक्षाफल सार्वजनिक गर्ने तयारी रहेको जनाएको छ ।

ढिलोमा १४ गतेसम्म नजिता सार्वजनिक भइसक्ने परीक्षा नियन्त्रक विष्णुप्रसाद अधिकारीले जानकारी दिए ।

२०७५ सालको एसईई परीक्षा गत चैत १० गतेबाट सुरु भएको थियो । संघीय संरचनाअनुसार पहिलो पटक भएको परीक्षामा देशभरबाट ४ लाख ७५ हजारभन्दा बढी परीक्षार्थी सहभागी भएका थिए ।