काठमाडौं । गृहमन्त्रालयले जेठ २ देखि भारतबाट नेपाल भित्रिने गाडी गृहको पत्रमा नियामक निकायको अनुमति र समन्वयबिना नरोक्न आदेश जारी गरेको थियो । तर गृहले अहिले सो निर्णयको बचाउ गरेको छ ।

भारतबाट नेपाल भित्रिने मालवाहक गाडी चेकजाँच गर्दा ट्राफिक प्रहरीले दुःख दिने गरेको गुनासो आएको भन्दै चेकजाँच नगरेरै नेपाल छिर्न दिन गृहमन्त्री रामबहादुर थापाले नेपाल प्रहरी र सशस्त्र प्रहरीलाई निर्देशन दिएका थिए ।

तर अहिले गृहले भारतबाट भित्रिने मालवाहक गाडीमा शंका लागे प्रहरीले जुनसुकै समय र स्थानमा चेकजाँच गर्न सक्ने गृहमन्त्रालयले जनाएको छ । गृहले कुनै मालवाहक सवारीसाधनमा गैरकानुनी ओसारपसार भएको शंका लागेमा नेपाल प्रहरी र सशस्त्र प्रहरीलगायत अन्य सम्बद्ध निकायले रोक्न र जाँच गर्न सक्ने बताएको हो ।

झापा, मोरङ, सुनसरी र सप्तरीलगायत तराईका २२ जिल्लाहुँदै उद्योगका लागि कच्चा पदार्थ बोकेर नेपाल भित्रिने एवं मालवाहक गाडीहरुलाई गृहको पत्रमा नियामक निकायको अनुमति र समन्वयबिना नरोक्न भन्दै मन्त्रालयस्तरको विज्ञप्ती जारी गरेको थियो । जुन निर्णयले सीमा क्षेत्रमा अवैध सामान ओसारपोसार गर्न सजिलो हुने वातावरण सिर्जना भएको सीमा क्षेत्रका प्रहरीले असन्तुष्टि जनाएका थिए ।

भारतबाट नेपाल आउने सवारीसाधनको चेकजाँच नगर्न गृहको निर्देशन