पाँचथर । पाँचथरको मिक्लाजुङ गाउँपालिकामा आज (मंगलबार) एक दिन शोक बिदा दिइने भएको छ । गाउँपालिकाको वडा नम्बर ३ आरुबोटेमा सामूहिक हत्या गरिएका विद्यार्थी बालबालिकाहरुको आत्माको चीर शान्तिको कामना गर्दै शोक बिदा दिइएको हो ।

गाउँ कार्यपालिकाको बैठकले गाउँपालिकाका सबै शैक्षिक संस्थाहरुमा एक दिन शोक बिदा दिने निर्णय गरेको प्रमुख प्रकाशकीय अधिकृत अरुण राईले बताए ।

मुलुकलाई नै स्तब्ध पार्ने गरी भएको हत्याकाण्डमा मारिएका नौ जनामध्ये १२ वर्षीया युहाना शेर्मा, १० वर्षीया मुना शेर्मा, ८ वर्षीया इक्सा शेर्मा र १० वर्षीया आशिका खजुम स्थानीय आरुबोटे माध्यमिक बिद्यालयमा अध्ययनरत थिए ।