काठमाडौं । अर्थमन्त्रालयका सहसचिव थानेश्वर गौतम भौतिक पूर्वाधार तथा यातायात मन्त्रालयमा सरुवा हुन शक्तिकेन्द्र धाइरहेका छन् । अर्थमन्त्रालयको अन्तरसरकारी वित्त ब्यवस्थापन महाशाखाका प्रमुख रहेका गौतम भौतिक मन्त्रालयको प्रशासन महाशाखा प्रमुखमा जान शक्तिकेन्द्र चाहर्न थालेका छन् ।

भौतिक मन्त्रालयका प्रशासन महाशाखा प्रमुख हरि बस्याल सचिवमा बढुवा भएपछि उक्त पद रिक्त छ । उक्त महाशाखाको प्रमुख हुनका लागि गौतम जोडका साथ लागेका छन् । भौतिक मन्त्रालय अन्तर्गत आकर्षक सडक आयोजनामा लेखा अधिकृत हुँदै सडक विभागको लेखानियन्त्रक भएका गौतम गृहमन्त्रालयमा पनि काम गरेका थिए ।

लेखासमूहमा बसी साविक एमालेको नाममा लिनुसम्म लाभ लिएका गौतम पुनः भौतिक मन्त्रालयमै जानुको कारण पनि अनुभव नै मानिएको छ, आजको साँघु साप्ताहिकमा समाचार छ ।

सडक आयोजनादेखि विभागसम्म लेखामा बस्दा उनले कसरी असुल्न सकिन्छ भन्ने जानकारी पाएकै कारण अर्थमा आएको छोटो समयमै उक्त भौतिकमा जाने उत्कट चाहना राखेका हुन् । बिराटनगर घर भएका उनको प्रधानमन्त्री केपी ओली निकटका नेताहरुसँग हिमचिम भएकाले भौतिकमा उनको सरुवा हुने संभावना बढी छ । त्यसो त भौतिक मन्त्रालयको सहसचिवमा सरुवा हुनका लागि ढुण्डी निरौलासहित ७ जना भन्दा बढीको दौडधूप चलेको छ ।