खाँदबारी, १८ फागुन । संखुवासभामा पछिल्लो समय सरकारी गाडी दुरुपयोग बढेको छ । सार्वजनिक बिदाका दिन सरकारी गाडी प्रयोग गर्न पाइँदैन ।

अत्यावश्यक काममा चलाउँदा प्रमुख जिल्ला अधिकारीबाट अग्रिम पास लिनुपर्छ । तर भोटखोला गाउँपालिकाका कर्मचारी पास नलिई सरकारी गाडी हाँकेर पञ्चवली खान पुगेका थिए ।

गत शनिबार सरकारी गाडी मनकामना मन्दिर परिसर नजिकै अरुण नदीमा ब्यक्तिले गरेको पञ्चवली खान भोटेखोला गाउँपालिकाको को १ झ ५९१ नम्बरको गाडी प्रयोग गरेको पाइएको छ ।

यो त एक उदाहरण मात्र हो । जिल्लाका अधिकासं सरकारी सवारी साधन विबाह ,पिकनिक र पुजा पाठमा जादाँ समेत प्रयोग भएरहेको छ ।

भोटखोलालाई सदरमुकाम खाँदबारी आउन जान मात्र पास दिइएको संखुवासभा सहायक प्रमुख जिल्ला अधिकारी मोहनमणी घिमिरेले जानकारी दिए । राजधानी दैनिकबाट